رساله من زوجه متهنيه جدا موت طحن ...
اقر واعترف انا الموقعه ادناه بكامل ارادتي وقوايا العقليه اني مدلعه ومرفهه ومش مقدره مجهودك وتعبك معايا انا يا مستتني ومريحني ومهنيني ما هو احنا كدا يا ستات مابيطمرش فينا ومبنقدرش فيمة النعمه اللي احنا فيها الا لما تزول من وشنا
الشر برا وبعيد يا حبيبي ..عشان كدا انا فكرت ازاي اريحك واعوضك عن الشقا اللي انت شايفو معايا ملقتش غير اني ابدل معاك الادوار واشيل بدالك مسؤلياتك ما هو حقك تشفلك يومين دلع حلوين انت كمان .. انا هروح الشغل كل يوم اشقا واتعب علي شانكم وهصرف علي البيت وانت بقي كل اللي عليك انك تستريح وتتبغدد .. بس ما تنساش يا حبيبي شوية حاجات صغيره انا كنت بعملها
يعني مثلا تصحا من النوم قبل زقزقة العصافير تكوي هدوم المدارس للعيال وتصحيهم وتشطفهم وتفطرهم وتلبسهم وتحضرلهم الساندويتشات وتنزلهم يركبو الاتوبيس .. بعد كدا تيجي تصحيني وتحضرلي الحمام والفطار طبعا علي بال ما اخلص تكون حضرتلي هدومي عشان اروح الشغل حاكم انا هشقي واتعب علي شانكم ..
وتنزل يا حبيبي في عز الظهر علي السوق تجيب الغدا وتقف في طابور العيش وتطير علي البيت عشان تلحق تنضف الخضار وتحضر الرز والاكل والسلاطه وتسيب الاكل يستوي علي بال ما تحمي العيال اصلي ماحبش اي اكل بايت زي واحد صاحبنا ..
بعد الغدا انا هدخل اريح شويه وانت بقي ادخل علي المطبخ اغسل الاطباق واكنس الارض وحط الغسيل في الغساله حاكم الحاجات دي ماتستناش ..
خلاص يا حبيبي هانت فاضل بس تذاكر للعيال وتعمل معاهم الواجبات بس لو حد فيهم جاب نمرة وحشه هزعل منك دا يبقي اسمو اهمال ..
انا هقوم بعد كدا اعمل كام مشوار مش مفهومين واخدلي بالك المهم اي حاجه عشان اسيب البيت وانزل اشربلي كابتشينو في اي كافي شوب مع اصحاابي وارجع البيت بليل الاقيك حضرت كيكه ولا حاجه حلوه اكلها مع العشا بعد ماتكون عشيت العيال ونيمتهم ونشرت الغسيل اللي هتلمو بكره قبل مارجع من الشغل وتقف 3 ساعات علي رجلك تكوي عشان المكوجيه اصبحو مفتريين بس خالي بالك يا حياتي من كسرة رجل البنطلوو اصلها تفرق معايا جدا ..
انا هنزل يا حبيبي ازور
ماما بعد الغدا اصلي مابعديش عليها الا كل اسبوع مره ودي ست الحبايب زي مانت عارف انت بقي فاضي علي طول ممكن تعدي علي والدتك في اي وقت مانت هتبقي مدلع ومتهني طبعا المهم في دا كلو ان كل يوم الاقيك واخد دش ومتأنتك وحالق دقنك وحاتط برفان يفتح النفس ولابس البجامه الحرير الزرقا ومستنيني بابتسامه حلوه سعيده وانا راجعه بليل
امضاء زوجتك المستريحه المستهنيه المستستته
منقول
0 comments:
إرسال تعليق